Сәрсенбі, Маусым 19, 2024
13.2 C
Kokshetau
15 C
Nur-Sultan
20 C
Almaty
ЖаңалықтарӨңірлерСандықтауПетровка ауылындағы мектептің тапсыру мерзімінің бұзылу қаупі бар

Петровка ауылындағы мектептің тапсыру мерзімінің бұзылу қаупі бар

Ақмола облыстық мәслихатының депутаты Айдын Төребаев Сандықтау ауданында болып, Петровка ауылында 80 орындық мектеп құрылысына мониторинг жүргізді.

Нысан «AMANAT» партиясының сайлауалды бағдарламасын орындау бойынша Жол картасы аясында салынуда. Айдын Бертісбайұлы бұл нысанға куратор ретінде партия желісі бойынша тағайындалды.

Мектептің құрылысы 2021 жылы облыстық бюджеттен 15,3 млн теңге бөлінген кезде басталды. 2022 жылы 79,1 млн бөлінді, 2023 жылы – 577 млн. Шарт бойынша жобаның жалпы құны – 776,4 млн теңге.  Нысанды «Ерқанат-Сервис» мердігерлік компаниясы салып жатыр. Мектепті ағымдағы жылы пайдалануға беру керек. Сандықтау ауданының білім бөлімінің мәліметінше, бүгінде нысанда 33 адам еңбек етуде.

Депутаттың айтуынша, Петровкадағы мектептегі жағдай үлкен алаңдаушылық туғызып отыр.

«Менің Петровкаға сапарымнан кейін екі апта жаңбыр жауды, сондықтан алға жылжу жоқ. Абаттандыру бойынша көп нәрсе жасалмаған. Тек қоршаулардың іргетасын толтыра бастады. Құбырларды төсеу кезінде де проблемалар бар, өйткені сметада жасзылған  темір құбырлардың орнына пластиктен жасалған кұбыл салынуда.  Ал мердігер компанияда құбырларды бір-біріне жалғауға арналған жабдық жоқ. Нысанда жұмыскрелердің саны да әлі де аз, бұған дейін  мен құрылысшылар санын көбейтуді ұсынған болатынмын.  Бір бригада жұмыстың барлық түрлерін – әрлеу де, абаттандыруды да, шатырды жабуды да  өздері орындауда. Яғни, толығымен жан-жақты жұмыс жүргізілмейді. Сондықтан уақыт кестесі үнемі өзгеріп отырады.

Сыныптарға арналған жабдықтар әлі сатып алынған жоқ, ал менің ойымша, оны сатып алып дайындап қою кажет. Инертті материалдар туралы кейбір сұрақтар бар, бүгінгі күнге дейін абаттандыру материалдары да жоқ. Бірақ Сандықтау ауданының әкімдігі бұл мәселеге жәрдемдесіп, қазіргі уақытта мектепті тезірек аяқтауға көмектесуде. Осыған байланысты жергілікті атқарушы органдарға шағымдар жоқ. Бірақ облыстық құрылыс басқармасына сұрақтар бар, өйткені олар күнделікті бақылауды жүргізуі керек, бір адам үнемі сол жерде, объектіде болуы керек.  Сонымен қатар, мердігердің жобаға қатысты кейбір сұрақтары бар, олар тапсырыс берушімен кейбір материалдарды ауыстыру сәттерін келісуде.

Жұмысты аяқтау мерзімі қысқа, ал жағдай бүгінгі күнде осындай», – деп бөлісті депутат Айдын Төребаев. Мәселе оның күнделікті бақылауында.

 

- Жарнама -Newspaper WordPress Theme

Соңғы жаңалықтар

Ақмола облысының су айдындарында 2 өлім тіркелді

Соңғы үш жылда шомылу кезеңінде облыс су айдындарында жазатайым оқиғалар кезінде 51 адам қаза тапты, оның 19-ы – балалар. Ақмола облысында шомылу маусымы басталғаннан бері...

Жолдың сапасы бақылауда

Биыл Ақмола облысында жолдарды салу және жөндеу бойынша 120 жоба іске асырылады деп жоспарлануда. Аймақтың көлік инфрақұрылымын жақсарту бастамаларына 60 миллиард теңгеге жуық қаражат...

Көлік инфрақұрылымын жақсарту жұмыстары қарқынды

Биыл Ақмола облысында жүздеген шақырым автомобиль жолдары жөнделеді. Қазір Республикалық маңызы бар магистральдардағы жол төсемі қарқынды жаңартылуда. Олардың біршама бөлігі ұзақ уақыт бойы жөндеуді...

Автомобиль жолдарын тазарту жұмыстары жүргізілуде

Ақмола облысындағы республикалық жолдардың бойында бес мың текше метрден астам қоқыс жиналды. Соңғы уақытта жол жиектері тазаланып, жол бойындағы сервис объектілері ретке келтірілді. Өңірде республикалық...

SCAT әуе компаниясының Boeing-735 ұшағы Көкшетауға қатынамақшы

Ақмола облысы Туризм басқармасының мәліметінше, жолаушылардың көбеюіне байланысты SCAT әуе компаниясы 17 маусым мен 31 тамыз аралығында Ақтау мен Шымкент қалаларына қатынайтын рейстерге жолаушылар...