Ақмола полицейлері заңсыз алтын іздеушілердің қызметінің алдын алу және жолын кесу, шахталарға заңсыз кіру орындарын анықтау бойынша іс-шаралар кешенін жүргізуде.
Ағымдағы жылдың 5 ақпанында Степногорск қаласының полиция қызметкерлері Ақсу кентінің аумағында жедел-алдын алу іс–шараларын жүргізу барысында заңсыз өткелді анықтады. Диаметрі 1,5 м және тереңдігі 8-10 м өткелі жұмыс істемейтін шахтаның төменгі көкжиектеріне алып келді. Полиция қызметкерлері мен «Алтыналмас АК» АҚ қызметкерлерінің бірлескен күшімен заңсыз өткелдің көзі жойылды.
Тәртіп сақшылары жұмыс істемейтін шахталарға түсу өмірге қауіп төндіретінін еске салады. 2022 жылы қорғалатын объектілерге заңсыз кіргені үшін ҚР ӘҚБтК 506–бабы бойынша 1060 адам жауапқа тартылса, биылғы жылдың басынан бастап-17-і тартылды.
