Ағымдағы жылғы 22 маусымда Қазақстан полициясының 30 жылдығы қарсаңында полиция департаментінің бастығы Думан Таев, бастықтың орынбасары Б.Е.Ералин, ардагерлер кеңесінің және Ұлттық Ұланның төрағасы Д.А.Нұрғалиев құрметті ардагер Татьяна Михайловна Кривошееваға барып қайтты.
Отставкадағы милиция полковнигі Қазақстан Республикасы Ішкі істер органдары құрылуының бастауында тұрған адамдардың бірі болды. Татьяна Михайловна ІІО қызметіне 29 жылдан астам уақытын арнады. Ұзақ жылдар бойы тергеу бөлімшелерін басқарып, полиция қызметкерлерінің бірнеше буынын тәрбиеледі. Бір қарағанда, нәзік әйелдің есебінде жүздеген ашылған қылмыстық істер бар.
Ішкі істер органдарындағы қызметі кезінде Татьяна Михайловна көптеген наградалармен, соның ішінде «ІІМ еңбек сіңірген қызметкері», «Милиция үздігі» төсбелгілерімен, «ҚССР ІІМ үздік тергеушісі» атағымен марапатталды. 2010 жылы «ІІМ Құрметті ардагері» медалімен марапатталды.
Ақмоланың бас полицейі Татьяна Михайловнаға гүл шоқтары мен «Қазақстан полициясына 30 жыл» төсбелгісін табыс етті.
«Сіз қоғамдық тәртіпті сақтауға баға жетпес үлес қостыңыз, ерлермен қатар заңның қорғауында болдыңыз. Көп жылғы еңбегіңіз, қызмет мүдделеріне адалдығыңыз және адамгершілік қағидаттарына беріктігіңіз үшін Сізге алғыс айтамын», – деп атап өтті полиция генерал-майоры Д.Ә. Таев.
Тәртіп сақшылары құрметті ардагерге мықты денсаулық, бақыт пен ұзақ ғұмыр тіледі.
