ҚР Сыбайлас жемқорлыққа қарсы іс-қимыл агенттігі төрағасының бірінші орынбасары Олжас Бектенов Ақмола облысына сапары барысында Есіл ауданының «Сервистік әкімдігінде» болды.

«Сервистік әкімдік» азаматтарға ауыл шаруашылығы, жер қатынастары, сәулет, қала құрылысы, кәсіпкерлік салаларында мемлекеттік қызметтерді көрсетеді. Мұнда мемлекеттік қызметтің 16 түрі көрсетіледі. Өзіне-өзі қызмет көрсету бұрышы жұмыс істейді, онда келушілер әртүрлі анықтамаларды өз бетінше ала алады.

Жалпы, сервистік әкімдік қызметтің кедергісіз, ашық болуын көздейді және ішкі процестердің әуре-сарсаңына жол бермейді. Сондай-ақ, мұнда мемлекеттік қызметтерді алуға, оның ішінде мүмкіндігі шектеулі адамдарға барлық қажетті жағдайлар жасалған.

Ашық әкімдік алаңында Олжас Бектенов жер учаскесін алу рәсімін жеңілдету, жолдарды күрделі жөндеуге қаражат бөлу, мемлекеттік қызметшілердің тұрғын үй алуы үшін жаңа бағдарламалар енгізу сияқты мәселелер бойынша жүгінген аудан тұрғындарын қабылдады. Қабылдау барысында барлық өтініш білдіргендерге толық түсініктеме берілді.

Сонымен қатар, Олжас Бектенов Халықты жұмыспен қамту орталығының жұмысымен танысты. Ағымдағы жылдың 1 тоқсанында орталық 422 мемлекеттік қызмет, 234 адамға жұмысқа орналасуға жәрдем көрсетті