Зеренді ауданының әкімі Әсен Жақсылықовтың тапсырмасы бойынша “Отбасылық құндылықтар-оқушы жетістігінің кепілі. Отбасы мен отбасылық тәрбиенің рөлі, құқық бұзушылықтың алдын алу болып табылады” атты аудандық ата-аналар форумы өтті.

Форумның модераторы Зеренді ауданының әкімі – Әсен Дулатұлы Жақсылықов болды. Ақмола облысы полиция департаменті есірткі қылмысына қарсы іс-қимыл басқармасының аға жедел уәкілі полиция подполковнигі Разия Талғатқызы Курсанова қатысушыларға психоактивті заттарды қолданудың алдын алу және кәмелетке толмағандарды есірткі қылмысына тарту мәселесі бойынша ақпарат берді.

Осы мәселені жалғастыруға диалог алаңында психолог Айгүл Төлегенқызы Әлжанова және “Сенім” әлеуметтік оңалту бөлімшесі орталығының еріктілері қатысты. Аудандық полиция бөлімінің бастығы, полиция подполковнигі Жаслан Қылышбекұлы Уәлиев жасөспірімдер қылмысының алдын алу мәселелері туралы сөз сөйледі.

Зеренді ауданы бойынша білім бөлімінің басшысы Динара Шаймерденқызы Кенжеболатова 2023-2024 оқу жылының І жартыжылдығының қорытындысы бойынша оқу-тәрбие жұмысына талдау жасады. Зеренді орталық ауруханасының бас дәрігері Руслан Дүйсенұлы Бутембаев “Жыныстық тәрбие негіздері” тақырыбында баяндады.

Зеренді ауылының балалар мен жасөспірімдер шығармашылығы орталығының орынбасары Ботагөз Қадыржанқызы Жолумбаева жасөспірімдер дағдарысы кезінде ата-аналарға ұсыныстар беріліп, “Жасөспірімдердің психологиялық мәселелері” тақырыбында баяндама оқылды.